Breshëri ndaj qenit, plagoset aksidentalisht një i ri në Tiranë

Breshëri ndaj qenit, plagoset aksidentalisht një i ri në Tiranë

14:34 24/04/2016

Një ngjarje e pazakontë ka ndodhur gjatë mesditës në kryeqytet.

Në rrugën “Sitki Çiço”, rreth orës 13 e 45 minuta, një person ka qëlluar me automatik një qen të rracës pitbull, duke e vrarë.

Mbi 20 plumbat e shkrehur dhe njëri prej tyre ka kapur aksidentalisht dhe një 19 – vjeçar, që ndodhej aty pranë.

Sipas policisë, i riu me incialet V. V ka mbetur i plagosur në këmbë dhe ndodhet jashtë rrezikut për jetën.

Në vendgjarje është gjendur qeni i vrarë dhe janë sekuestruar gëzhojat e plumbave.

Disa dëshmitarë thanë se autori qëlloi nga një makinë dhe u largua në shoqërinë e një personi tjetër.

Burime të policisë sqaruan se autori është identifikuar.

Hetimet zbuluan se një ditë më parë qeni i kishte kafshuar atij bashkëshorten dhe kjo ka qenë arsyeja përse ai është riktheyr në zonë dhe e ka qëlluar qenin e një banori të zonës, me automatik.

I plagosuri është marrë në pyetje dhe ka deklaruar se nuk ka patur asnjë konflikt dhe se nuk ka qenë ai shënjeshtra, ndonëse ka sqaruar se gjithçka ka ndodhur befas dhe ai nuk ka mundur të shohë se kush qëlloi.

Tv Klan

Të ngjashme
UKT