Denoncimi i mësueses nga Roskoveci, Drejtoria Arsimore Fier nuk jep asnjë shpjegim (Video)



Denoncimi i mësueses nga Roskoveci, Drejtoria Arsimore Fier nuk jep asnjë shpjegim (Video)

21:37 11/09/2020

Emisioni “Stop” i shkoi deri në fund rastit të denoncimit të mësueses Valbona Cjapi. Gazetarja e “Stop” i drejtohet Drejtorisë Arsimore Fier për problemin e mësueses në Roskovecit, por drejtoresha nuk denjon të përgjigjet.

Gazetarja takon një punonjëse e cila komunikon me drejtoreshën, por ajo refuzon të takohet në ambientet e institucionit dhe nuk hap as telefonin.

Gazetarja: Ku është drejtoresha? 

Punonjësja: Drejtoresha nuk ndodhet për momentin. 

Gazetarja: Kur vjen? 

Punonjësja: Po ta marr në telefon. Është në Roskovec. 

Punonjësja komunikon me drejtoreshën: Drejtoresha ka ardhur një gazetare nga “Stop-i”. Është në postë. Nesër? 

Gazetarja: Jo sot e pres këtu. Se Roskoveci aty është. 

Punonjësja: Drejtoresha thotë bëje kërkesën me shkrim, të kthejmë përgjigje me shkrim!

Gazetarja: Unë kërkesën me shkrim, thuaji drejtoreshës, e kam. Dua ta diskutoj rastin përballë. Kështu që ora është 14:30. Unë këtu jam, derisa të mbarojë orari zyrtar. 

Punonjësja: (Merr përgjigjen nga drejtoresha) Jo! 

Gazetarja: Nuk do vijë? 

Punonjësja: Jo! Mund të jetë dhe në zyrë. Mund të ketë mbledhje. 

Gazetarja: Ku mund të ketë mbledhje? Është në Drap-in e Fierit? Jo! Është në Roskovec. Ka zyrë Roskoveci? Jo, s’ka! 

Punonjësja: Unë nuk të them dot gjë. Unë të them kaq! 

Gazetarja: Më thatë, që nuk është këtu. Është në Roskovec. Nuk vjen brenda orarit zyrtar. Numrin nuk e  jep. Më mjafton. 

Pasi punonjësja tha se drejtoresha e Zyrës Arsimore në Fier duhet të ishte në një takim në Drejtorinë Rajonale e Arsimit Parauniversitar në Fier, “Stop” shkoi dhe pranë këtij institucioni, por as aty nuk kishte njeri.

Gazetarja: A ndodhet drejtoresha këtu? 

Zonja: Për momentin…po. 

Gazetarja: A mund të flas pak me të? 

Zonja: Nga kush emision vini? 

Gazetarja: Nga Stopi. 

(Thuhet se drejtoresha është e zënë) 

Gazetarja: Po mirë, se e pres këtu.

Në lidhje me këtë rast avokati Kondi Ilia shpjegon, se ka një nen në Kodin e Punës, që njeh ditët, kur mungon në institucion, për arsye të një detyrimi ligjor. Ndërsa eksperti i arsimit, Ndriçim Mehmeti, shpjegon, se lënia bosh e mungesave pa arsye të Valbonës është bërë me qëllim, që ajo mos të ketë mundësi t’u drejtohet organeve më lart. Por akti i drejtorit, sipas Mehmetit, është hakmarrje e pastër. /tvklan.al




Të ngjashme