Një veturë e një polici hetues serb është djegur në veri të vendit. Prokuroria Themelore në Mitrovicë dyshon për akt të qëllimshëm. Vetëm brenda tre muajsh të këtij viti ka arritur në 8 numri i pronave të djegura të qytetarëve serb në veri e që kryesisht punojnë për institucione të Kosovës.
Situata në veri konsiderohet e brishtë ndërsa kohëve të fundit autoritetet në Kosovë kanë thënë të kenë informacione se në Serbi po bëhen përgatitje intensive për sulme të reja në veri.
Elshani tha se Policia e Kosovës është e gatshme për t’u përballur me çdo sfidë.
Në një analizë të publikuar në “Bloomberg”, James Stavridis, admiral në pension i marinës amerikane dhe ish-ushtarak i lartë i NATO-s, theksoi rrezikun e sulmeve kibernetike nga Rusia që mund të cënojnë infrastrukturën jetike të Kosovës, një veprim që do të shtonte tensione dhe pasiguri në rajon.
Edhe inteligjenca amerikane në raportin e fundit ka potencuar eskalimet e mundshme ndëretnike veçanërisht në Kosovë dhe Bosnjë Hercegovinë.
Tv Klan