Dita Kombëtare e Greqisë, Meta: Dy popujt meritojnë të jetojnë në harmoni

Dita Kombëtare e Greqisë, Meta: Dy popujt meritojnë të jetojnë në harmoni

21:25 25/03/2019

Presidenti Ilir Meta ka marrë pjesë në ceremoninë e Ditës Kombëtare të Greqisë. Në një reagimin në rrjetin social Facebook, kreu i shtetit shprehet se minoriteti grek dhe komuniteti shqiptar në Greqi janë ura shumë të forta lidhëse në marrëdhëniet e shkëlqyera tradicionale, por edhe mjaft premtuese mes dy popujve tanë.

Reagimi:

I lumtur të merrja pjesë sot në ceremoninë e organizuar me rastin e Ditës Kombëtare të Greqisë.

Në këtë ditë feste e gëzimi të fqinjëve tanë uroj që edhe bashkëpunimi e partneriteti ynë të udhëhiqen nga trashëgimia më pozitive dhe e ardhmja e përbashkët e dy popujve tanë në një rajon më të begatë të Europës së Bashkuar.

Minoriteti grek dhe komuniteti shqiptar në Greqi, ura shumë të forta lidhëse në marrëdhëniet e shkëlqyera tradicionale, por edhe mjaft premtuese mes dy popujve tanë.

Shqiptarët dhe grekët meritojnë të jetojnë gjithmonë në bashkëpunim, harmoni e begati. Zoti e bekoftë miqësinë shqiptaro-greke!/tvklan.al

LAJMET
Të ngjashme
Delta

UKT