Takimi në “Arena Egnatia” përfundon 1-1, kuqeblutë janë larg kreut 10 pikë në renditje
Përballja e fundit e javës së tetë të kategorinë e më të mirave, Egnatia-Vllaznia, përfundoi në barazim 1-1.
Golat në ndeshjen e luajtur në “Arena Egnatia” të Rrogozhinës u shënuan në pjesën e parë.
Vendasit kaluan në avantazh në minutën e 15 me anë të Isenit që realizoi bukur nga distanca.
Kuqeblutë barazuan në minutën e 45 me penallti. Latifi u tregua i saktë në 11-metërshin e dhënë nga arbitri pas konsultimit me sistemin VAR.
Në pjesën e dytë, ekipet krijuan rastet e tyre, por rezultati nuk ndryshoi.
Për Egnatian ky është barazimi i dytë në tri takimet e fundit, ndërkohë që skuadra shkon në kuotën e 10 pikëve, në vend të gjashtë në renditje.
Skuadra shkodrane ka të njëjtën sasi pikësh pas 8 ndeshjesh të luajtura, ndërkohë që në tre përballjet e fundit ka marrë vetëm 1 pikë, e kjo e ka çuar në +10 diferencën me Tiranën e vendit të parë.
Klan News
