Policia e Elbasanit ka vënë në pranga një person nën akuzën e vjedhjes.
Në sajë të operacionit të koduar “Çantat”, është bërë arrestimi i Artur Isufit, 32 -vjeç, banues në fshatin Mengel në Elbasan.
Nga hetimet e bëra, ka rezultuar se ky person ka kryer 3 vjedhje, përkatësisht:
Më datë 14.02.2016, në lagjen “Shënkoll” Elbasan, ka vjedhur me forcë çantën e shtetases E.ZH, 23 – vjeç, telefonin tip “Samsung S4” dhe portofolin me 7 mijë lekë të reja.
Më datë 21.02.2016, në lagjen “Çlirimi” Elbasan, ka vjedhur me forcë çantën e shtetases K.K, 21- vjeç, si dhe një sasi prej 10 mijë lekësh të reja.
Më datë 23.02.2016, në lagjen “Luigj Gurakuqi”, ka vjedhur me forcë shtetasen H.M, 23- vjeç, duke i marrë 7 mijë lekë të reja dhe një telefon tip “Samsung Galaxy”.
Në cilësinë e provës materiale, Artur Isufit i’u sekuestruan dy aparate celularë, çantat dhe portofolat e tre shtetaseve, si dhe veshjet e përdorura gjatë krimit.
Ndërkohë materialet proceduriale i kanë kaluar Prokurorisë së Rrethit Gjyqësor Elbasan për veprime të mëtejshme, për veprën penale “Vjedhje”./tvklan.al