Me geta në formë rrjete, i shokon të gjithë në eventin e LGBTI
Këngëtarja shqiptare, Rita Ora është duke qëndruar kohëve të fundit në Sydney të Australisë për sezonin e ri të “The Voice Australia”, ku është përzgjedhur të jetë anëtare e jurisë.
Së fundmi, ajo performoi në paradën e komunitetit LGBTI në Australi, të zhvilluar në një nga stadiumet më të mëdha të Sydneyt. Ajo u shfaq para fillimit të shfaqjes me një veshje mjaft provokuese, ku ishte me të brendshme dhe geta në formë rrjete në pjesën e poshtme, dhe një bluzë të madhe tyl ngjyrë bojëqielli në pjesën e sipërme.
Rita vendosi të ndajë me ndjekësit e saj në rrjetin social Instagram disa fotografi të reja, të realizuara gjatë mbrëmjes kur performoi në manifestin e komunitetit LGBTI.
“Gati për ta bërë këtë përsëri”, shkroi 30-vjeçarja në mbishkrimin e këtyre fotografive, ku pëlqimet dhe komentet e shumta nga fansat nuk munguan.
Rita gjithashtu është duke shijuar edhe suksesin e mini-albumit të saj më të ri “Bang”, katër këngët e të cilit janë pritur shumë mirë nga publiku.
Klan News
