Ina Pojani: Dhimbja e fortë e kokës më bëri të dyshoja për Covid-19



Ina Pojani: Dhimbja e fortë e kokës më bëri të dyshoja për Covid-19

18:19 21/09/2020

Pjesë e emisionit Rudina në Tv Klan, është bërë edhe blogeria Ina Pojani, motra e aktores Megi Pojani, ku ka rrëfyer për eksperiencën e saj në përballje me Covid-19. Ajo shprehet se ka patur dhimbje të forta kokë për disa ditë e kjo gjë e bëri të dyshojë se mund të jetë e infektuar. Ina qëndroi e izoluar për 3 javë e gjysmë dhe më pas iu rikthye jetës së saj normale.

Rudina Magjistari: Ina si ndodhi, si u infektove ti dhe çfarë simptomash kishe?

Ina Pojani: Unë nuk e kam të qartë ku e kam marrë apo kur e kam marrë. Nuk ke nga e kupton, ajo të vjen pas 3-4 ditësh e ti mund të kesh takuar shumë njerëz. Por gjithësesi edhe pjesëtarë të shoqërisë simë e kanë marrë në të njëjtën kohë, ishim të gjithë në të njëjtën fazë. Në fillim mua më ka filluar një dhimbje shumë e fortë koke.

Atë ditë më duhet të shkoja në Elbasan dhe takoj babin, ai më thotë hajde të të puth pak dhe nuk pranova sepse kisha shumë dhimbje koke dhe mendova se mos më ka zënë gjë. Pas 4 ditësh që kisha dhimbje shumë të forta koke, pata temperaturë. Temperaturë kam patur për rreth 6 ditë 37.8. Antibiotikë nuk mora.

U konsultova me mjekun e lagjes, më tha që do të të bëjmë tamponin, përgjigjia e tamponit më erdhi brenda 24 orëve. Mjeku më tha duhet të marrësh antibiotikë, por unë nuk kisha ndonjë simptomë aq të fortë dhe mendova që ditët e para ndoshta nuk po i marr dhe nëse do jetë nevoja, do e marr. Pas 8 ditësh nuk pata asnjë simptomë. Më humbi nuhatja dhe shija e cila zgjati diku tek tre javë. Kam qenë e izoluar për 3 javë e gjysmë. Motrat më vinin tek pallati poshtë, hapnin muzikë dhe kërcenin që mua të më ngrihej pak morali. /tvklan.al




Të ngjashme