#lajme, #edicioniinformativ ora 19:30 data 9 Gusht 2022 #TvKlan #KlanLajme
Spiker: Reis Cico
Headline 9 Gusht 2022
Bordi ul me 4 Lekë çmimin e naftës. Benzina 200 Lekë/L, gazi nuk ndryshon
Bordi i Transparencës vendosi sot të ulë me vetëm 4 lekë për litër çmimin e shitjes së naftës me pakicë. Benzina rritet me 1 lek ndërsa gazi nuk ndryshon. Ndryshimet vijnë kur bursa, çmimet e naftës bruto po pësojnë rënie drastike.
34 vatra zjarri në 24 orë. 9 mbetën aktive. Situatë problematike në Shkodër, Mat e Durrës
Mbetet problematike situata nga zjarret në vend sidomos në Shkodër, Mat dhe Durrës. Ministria e Mbrojtjes thotë se nga 34 zjarre te konstatuara në 24 orët e fundit, 9 janë aktive. Autoritetet lokale thonë se zjarret janë të qëllimshme.
Dalin pamjet e Velierës ku u gjet 1 ton kanabis. Mjeti lundrues u kap 13 milje nga bregu
Policia italiane ka publikuar pamjet e kapjes së rreth 1 ton kanabis ne ujerat e Adriatikut. Aksioni u finalizua një ditë më parë 13 milje larg brigjeve shqiptare ku u arrestuan 5 persona dhe 1 u shpall në kërkim.
Gjysmë million të huaj hynë në Shqipëri në 1 javë. Në krye francezët të ndjekur nga italianët e holandezët
Gjysme milion të huaj vizituan Shqipërinë në javën e parë të gushtit duke e bërë këtë shifrën më të lartë në 4 vitet e fundit. Në krye të vizitorëve të huaj janë francezet te ndjekur nga italianët dhe më pas holandezët.
Java e dytë e Gushtit nis me “bum” pushuesish, hotelet e prenotuara në Vlorë dhe në Shtator
Java e dytë e gushtit ka nisur me një “bum” pushuesish në plazhet shqiptare. Turistë të shumtë të huaj, por edhe ato qe vijnë nga Kosova po mbipopullojnë plazhet shqiptare. Hotelet e Vlorës thonë se janë prenotuar edhe për shtatorin.
FBI kryen kontrolle në shtëpinë e Donald Trump. Sekuestrohen dokumente konfidenciale të ish-presidentit
Hetuesit e FBI-së ndërhynë në rezidencën e Donald Tramp për të sekuestruar dokumente konfidenciale që ish-presidenti nuk i kishte dërguar në Arkiv. Tramp tha se kjo ishte një ditë e errët, që nuk i kishte ndodhur asnjë presidenti më parë.
