Një aksident ka ndodhur mëngjesin e sotëm në Berat, në vendin e quajtur “Kthesa e NSHG-së. Një motor është përplasur me një makinë.
Goditja ka qenë e fortë, aq sa motorri pas përplasjes edhe me bordurën anësore prej betoni të rrugës është ndarë më dysh.
Fatmirësisht, drejtuesi i mjetit ka shpëtuar pa lëndime, pasi ai është rrëzuar nga motori para përplasjes me bordurën.
Efektivë të policisë rrugore kanë shkuar në vendngjarje, ku edhe po kryejnë veprimet e para hetimore.
Drejtuesi i motomjetit, Kujtim Mbrakulli, pasi ka kryer vizitat rutinë në Spitalin Rajonal të Beratit, ku edhe u transportuar pas aksidentit, është larguar drejt banesës së tij.
Sipas burimeve në vendngjarje, bëhet me dije se shkak për aksidentin ka qënë lëvizja e motorit, që i ka prerë rrugën makinës, gjatë hyrjes në kthesë. Fatmirësisht as drejtuesi i makinës së përfshirë në aksident nuk ka pasur lëndime.
/tvklan.al
