Programi “Histori ime”, në Tv Klan ditën e sotme solli rastin e zonjës Zelie. Ajo ka një dhimbje të madhe sepse dy djemtë e saj kanë ndërruar jetë në moshë të re. Njërin prej djemve e zuri korenti në Greqi, ndërsa djalit tjetër i ra rrufeja në Maqedoni.
Sikur të mos mjaftonte kjo, ka mbetur edhe pa shtëpi, për shkak se i është shembur nga tërmeti. Duke qenë se është e vetme ka shkuar të jetojë me vajzën e saj.
Zelie: Jeton me vajzën?
Gazetarja: Sa vjeç jeni?
Zelie: Jam 65 vjeç.
Gazetarja: Ju keni ardhur tek vajza?
Zelie: Kam ardhur tek vajza, se më është shembur shtëpia, më ka rënë çatia brenda, mirëpo dua të shkoj në shtëpinë time, se nuk mundem të rri.
Gazetarja: Bashkëshorti prej sa vitesh ju ka lënë?
Zelie: Ka 10 vjet! Edhe dy djem më janë vrarë në kurbet, njëri në Greqi, tjetri në Maqedoni. Edhe jam qyqe e vetme.
Gazetarja: Në cilën moshë kanë ikur djemtë?
Zelie: Kanë ikur në moshë të re, 17- 18 vjeç. Tani kam mbetur vetëm.
Gazetarja: Çfarë ka ndodhur me ta?
Zelie: Njërin ma ka vrarë vetëtima, rrufeja, tjetrin ma ka zënë korenti në Greqi.
Gazetarja: Keni ardhur tek vajza?
Zelie: Kam ardhur, se s’kisha ku të rrija!
Gazetarja: A ka ditë që i kujton fëmijët e tu?
Zelie: Përditë, për orë, për minutë!
Gazetarja: Si i kujton?
Zelie: T’i kisha dhe unë, të gëzohesha si gjithë të tjerët.
Gazetarja: Tani si është dita juaj?
Zelie: Aman dita ime, rri kot.
Gazetarja: Shtëpia jote është shkatërruar nga tërmeti?
Zelie: Po ka rënë brenda./tvklan.al
