Teksa skulptori Agon Qosa bën disa nga prekjet e fundit të kësaj statuje të Tony Blair, ai reflekton për atë që ish-kryeministri britanik bëri për Kosovën një çerek shekulli më parë.
Qosa ashtu si shumë shqiptarë të tjerë në Kosovë vlerësojnë Blair-in për rolin e tij gjatë bombardimeve të NATO-s në vitin 1999 që ndaloi përparimet e forcave serbe dhe në fund e ndihmoi kombin e vogël ballkanik të fitonte pavarësinë.
Agon Qosa: Ndërsa po bëja këtë skulpturë shumë gjëra më erdhën në mendje, që nga koha kur (Blair) po shfaqej në debate të ndryshme dhe kërkesat e tij i pamë në lajme. Në fund vendosa ta kem në qytetin tonë, në Kosovën tonë, për të ardhur i lumtur dhe i gëzuar. Nga të huajt është njeriu më i mirëpritur ndër ne. Kjo është ajo që kemi menduar dhe me këtë gëzim është bërë kjo statujë.
25 vjet më vonë, Qosa po përfundon një statujë të përmasave reale të Blair, e cila do të derdhet në bronz dhe do të vendoset në bulevardin Blair në qytetin e Ferizajt më 12 qershor.
Bashkim Fazliu, kreu i Fondacionit “Ne kujtojmë Tony Blair”: Në fakt, ishte Tony Blair personi që këmbënguli më së shumti për ndërhyrjen e NATO-s. Ne shohim shumë prova tani që gjatë ndërhyrjes së NATO-s ishte Blair ai që insistoi të ndërhynte me trupa tokësore në Kosovë. Ai ka qenë personi më i pakompromis që ka ndaluar spastrimin etnik në Kosovë.
Blair, i cili ishte kryeministër i Britanisë nga viti 1997 deri në vitin 2007, mbështeti bombardimet e NATO-s ndaj Serbisë për ta detyruar atë të tërhiqej nga Kosova.
Sebahate Mani, banore e Ferizaj: Po të mos bëhej fjalë për të, ai ishte shumë i lidhur me shqiptarët dhe dha shumë kontribut në çështjen tonë kombëtare për t’u çliruar nga Serbia. Ai nuk e meriton vetëm këtu një statujë, duhet vendosur kudo.
Bill Clinton, i cili ishte president i SHBA-së në kohën e fushatës së bombardimeve të NATO-s, ka gjithashtu një statujë në kryeqytetin e Kosovës, Prishtinë.
Bashkim Fazliu: Është një dyshe e papërsëritshme për kombin tonë. Një dyshe si Bill Clinton dhe Tony Blair nuk ka ekzistuar kurrë në historinë botërore. Por për kombin tonë kjo është hera e parë që ne marrim ndihmë. Ne kemi pasur gjithmonë të drejtë në kërkesat tona, por asnjëherë nuk kemi.
Shumë mbështetës të ish-kryeministrit britanik më vonë u zhgënjyen për shkak të rolit të mëpasshëm të Britanisë në pushtimin e Irakut të udhëhequr nga SHBA në 2003, por për shumë njerëz në Kosovë ende vijon që figura e Blair të jetë popullore si më parë. Sipas Zyrës Kombëtare të Statistikave, më shumë se 10 persona quhen Tonibler, Toni ose Bler në nderim të figurës së tij. Edhe ky i ri i cili studion për Mjekësi mban emrin e ish-kryeminsitrit britanik.
Kur Tonibler Gashi lindi dy vjet pas luftës, babai i tij nuk kishte dyshim që djalit të tij të parë t’i vinte emrin e Blair.
Tonibler Gashi: Kështu që babai më dha emrin dhe ai e dinte se çfarë bëri Tony Blair për vendin tonë dhe e përjetoi plotësisht luftën, ajo ndodhi në vitin 1998, 1999. Ai donte të bënte nderonte popullin tonë, dhe të shrehte mirënjohjen e popullit të Kosovës ndaj Tony Blair dhe ai gjithmonë donte të kishte një djalë që të mund t’i vinte emrin e Tony Blair dhe kjo ndodhi në vitin 2001 kur ata më sollën në jetë mua.
Gashi, tani 22 vjeç, ishte 9 vjeç kur takoi Blerin e vërtetë në Prishtinë.
“Po, ishte e jashtëzakonshme. Ishte njësoj si takimi me një profet për njerëzit tanë. Ishte shumë e këndshme. Ishte mot i mirë dhe atij vetë i kishte shumë hije. Ishte një njeri i madh. Ai më shtrëngoi dorën dhe u ndjeva shumë mirë”, rrëfen ai.
Klan News
