Pushimet e Vipave

Pushimet e Vipave

22:16 10/08/2019

Cameron Diaz, e shoqëruar nga bashkëshorti i saj janë parë teksa pushojnë në një jaht luksoz në Saint-Tropez ditën e premte, edhe pse prej kohësh e shkëputur nga bota e kinematografisë, Diaz duket se ka mbetur në formë. Ajo duket shumë e lumtur krahë bashkëshortit të saj, për të cilin deklaroi pak kohë më parë se ishte gjëja më e mirë që i kishte ndodhur ndonjëherë. E veshur me një kostum banjo të zi me lule, dhe e buzëqeshur gjithmonë Cameron duket mahnitëse.

Ndërsa familja Kardashian-Jenner duket se kanë shfrytëzuar rastin e ditëlindjes së Kylie Jenner për të bërë disa pushime në Itali, ata janë fotografuar në jahtin super luksoz, të cilin Kylie e ka marrë posaçërisht për ditëlindjen e saj, dhe thuhej se po shkonin drejt kështjellës Amalfi në Positano, më pas mësohet të kenë qenë në Capri dhe mesa duket po e shijojnë shumë bregdetin e Italisë.

Modelja Gigi Hadid duket se nuk i ka shijuar shumë pushimet e saj në Mikonos, pasi sipas shkrimit të saj në Instagram në adresën Gisposables, ajo tha se e kishin grabitur. Gigi së bashku me motrat dhe shoqërinë e saj kishin shkuar në Mikonos për të festuar ditëlindjen e motrës së saj të madhe Alana. Edhe pse i shohim gjithmonë në pushime luksoze, Vipat kanë edhe eksperienca të këqija me pushimet, kjo pasi Gigi tha se nuk do të kthehej më në atë ishull.

Klan Plus

Të ngjashme
UKT