Reshjet e shiut, probleme në qarkullim

Posta

Reshjet e shiut, probleme në qarkullim

09:27 07/11/2019

Sinoptikanët: Do të vijojnë edhe 24 orët e ardhshme

Për më shumë se 24 orë i gjithë vendi është përfshirë nga reshje të dendura të shiut. Intensiteti i tyre ka sjelle probleme në disa akse rrugore. Në Rrugën e Kombit ka patur shkarje gurësh nga faqja e malit, por pa rrezik për drejtuesit e mjeteve.

Shkarje gurësh e inerte ka patur edhe në rrugët Bajram Curri-Valbonë, Bajram Curri-Lekbibaj. Qarkullimi i mjeteve është bërë me vështirësi duke përdorur një korsi në segmente të caktuara.

Prefektura e Shkodrës thotë se është në gatishmëri për të përballuar çdo situatë të krijuar nga përkeqësimi i motit. Në Vlorë është mbledhur Komisioni i Mbrojtjes Civile, për të hartuar planin e masave në rast të krijimit të problematikave nga reshjet e shiut.

Sinoptikanët parashikojnë se intensiteti i reshjeve që ka përfshirë vendin do të jetë i lartë edhe për 24 orët në vijim. Fundjava do të sjell një përmirësim të motit, por sërish shiu do të jetë prezent në zona të veçanta.

Tv Klan


Reklama
Grupi
LAJMET

Të ngjashme

Reklama
UKT
Grupi
UKT