Stili i jetës joaktive mund të jetë më e dëmshme nga sa mendoni


Stili i jetës joaktive mund të jetë më e dëmshme nga sa mendoni

08:59 17/07/2020

Një mënyrë jetese joaktive është një nga kërcënimet më të mëdha për shëndetin e çdo individi. Aktiviteti fizik dhe ushtrimet e rregullta janë thelbësore për një shëndet të plotë.

Sipas Organizatës Botërore të Shëndetit, stili i jetës joaktive dyfishon rrezikun e sëmundjeve kardiovaskulare, diabetit dhe mbipeshës, rrit rreziqet e kancerit të zorrës së trashë, presionit të lartë të gjakut, osteoporozës, çrregullimeve të lipideve, depresionit dhe ankthit.

Efektet e dëmshme të ndjekjes së një stili jetese të ulur.

Obeziteti

Qëndrimi për një kohë të gjatë ulur para ekranit të një kompjuteri apo televizorit rrit shanset për t’u prekur nga obeziteti.

Obeziteti është i lidhur me shumë sëmundje serioze dhe komplikime të ndryshme shëndetësore si: rreziku nga goditja në tru, rreziku i sëmundjeve të zemrës dhe hipertensioni.

Sëmundjet e zemrës

Sjellja sedentare mund të çojë në presion të lartë të gjakut, nivele të ulëta të kolesterolit dhe rritje të nivelit të sheqerit në gjak, të cilat nga ana tjetër dëmtojnë muret e enëve të gjakut, duke rritur rrezikun e një sulmi në zemër.

Ankth dhe depresion

Kur stili juaj i jetesës është joaktiv, edhe shëndeti mendor ka tendencë të vuajë gjithashtu, pasi rriten shanset për stres, shqetësim dhe depresion. Jeta joaktive ndikon gjithashtu edhe në një dietë jo të shëndetshme dhe një orar të çrregullt të gjumit.

 Rritja e shanseve për kancer

Të qenit fizikisht joaktiv dhe qëndrimi ulur për një kohë të gjatë mund të rrisin rrezikun për t’u prekur nga  kanceri, përfshirë kancerin e zorrës së trashë, gjirit dhe mushkërive.

Osteoporoza

Qëndrimi ulur dhe një mënyrë jetese joaktive ndikojnë në çrregullimin e trupit dhe mund t’i bëjnë kockat më të dobëta./tvklan.al





Të ngjashme