1 vit nga vrasja e mjekes me ngjyrë


1 vit nga vrasja e mjekes me ngjyrë

12:03 14/03/2021

Qindra njerëz u mblodhën në Louisville duke kërkuar drejtësi ndaj komunitetit afro-amerikan

Qindra njerëz u mblodhën në qytetin e Louisville të SHBA-së, për të shënuar një vit nga vdekja e Breonna Taylor, një mjeke 26-vjeçare me ngjyrë që u vra kur policia bastisi shtëpinë e saj.

Lule, qirinj dhe piktura murale të Taylor u vendosën në qendër të parkut Jefferson Square Park, i quajtur Injustice Square. Gjatë tubimit protestuesit kënduan këngën “Thuaj emrin e saj” e njëjta që u përdor në protestat anti-racizëm të verës së kaluar, një thirrje për drejtësi për gratë me ngjyrë në SHBA. Por për shumë në qendër të Louisville, kjo kërkesë nuk është përmbushur. 

Gjatë demonstratës në Louisville, protestuesit kërkuan drejtësi për Breonna Taylor. FBI lëshoi ​​gjithashtu një deklaratë duke thënë se hetimi mbi vdekjen e Taylor kishte bërë përparim të rëndësishëm që kur filloi Majin e kaluar, pa dhënë detaje të mëtejshme.

Vrasja e mjekes shkaktoi zemërim, duke nxitur protesta kundër racizmit dhe brutalitetit. Taylor u qëllua nga oficerët që u detyruan të hynin në shtëpinë e saj. Të tre oficerët e policisë që kryen bastisjen u shkarkuan nga detyra.

Gjatë operacionit, i dashuri i Taylor, Kenneth Walker qëlloi dhe plagosi një nga oficerët. Në fillim të këtij muaji një akuzë për vrasje në tentativë kundër tij u hoq. Walker në atë kohë deklaroi se ai qëlloi një herë sepse ai besonte se kriminelët po hynin brenda. Oficerët u përgjigjën me 32 të shtëna, gjashtë prej të cilave goditën Breonna Taylor.

Sidoqoftë, një juri e madhe vendosi të mos akuzojë asnjë prej tyre për vdekjen e 26 vjeçares, duke shkaktuar protesta. Louisville pagoi 12 milionë dollarë familjes së Taylor dhe ra dakord për reformat e policisë për të zgjidhur çështjen.

Vrasja e Breonna Taylor fillimisht nuk tërhoqi vëmendjen në të gjithë vendin. Por ajo mori vëmendje të re pas vrasjes nga policia të George Floyd në Minneapolis, e cila ndezi protestat anti-racizëm në të gjithë botën.

Klan News








Të ngjashme