Veliaj: Kujtojmë ata që lanë shenjë në qytet
Këshilli Bashkiak i Tiranës ka miratuar vendosjen e emrit të arkitektit Agron Jano, rrugës pranë Fakultetit të Arkitekturës dhe Urbanistikës. Teksa i priti në një takim familjarët e arkitektit, Kryebashkiaku Veliaj u dorëzoi atyre medaljen dhe një kopje të tabelës në mënyrë simbolike.
Veliaj u shpreh se ky vit jubilar për Tiranën kryeqytet është edhe një moment për të përkujtuar personalitete që lanë shenjë në qytet dhe se vendosja e emrit të arkitektit rrugës ku çdo ditë kalojnë studentë, tregon mirënjohje.
Arkitekti Agron Jano ka kontribuar në rikonstruksionin e disa objekteve me vlera historike, si dhe ka dhënë mësim për 35 vjet profesionistëve të rinj të arkitekturës.
Tv Klan
