Ceremonia martesore ka përfunduar në tragjedi, ku 11 persona kanë humbur jetën.
Ngjarja e rëndë ka ndodhur në qytetin Saqqez në Iran. Një shpërthim gazi ndodhi në ambientit ku do të zhvillohej dasma. Mes 11 viktimave, 5 janë fëmijë.
Nga shpërthimi i gazit u plagosën dhjetra të ftuar të tjerë, teksa po përpiqeshin të largoheshin për t’u shpëtuar flakëve të zjarrit.
“Të paktën 11 persona u vranë, fatkeqësisht 5 prej tyre ishin fëmijë, nga shpërthimi i një rrjedhje gazi gjatë një martese”, tha një zyrtar iranian i urgjencës mjekësore.
Drejt vendngjarjes shkuan ekipet e emergjencës dhe autoambulancat. Shkaqet e shpërthimit janë të paqarta, teksa pritet të përcaktohen nga hetimet. /tvklan.al
