E rëndë! 26-vjeçarja vritet nga vëllezërit sepse kishte hapur Snapchat dhe varroset në shkretëtirë



E rëndë! 26-vjeçarja vritet nga vëllezërit sepse kishte hapur Snapchat dhe varroset në shkretëtirë

15:00 29/01/2021

Një vajzë arabe saudite dyshohet se është vrarë nga vëllezërit e saj sepse kishte hapur një llogari në Snapchat, sipas mediave të huaja.

Këtë javë një slogan “#SaveManalSisterofQamar” filloi të qarkullonte gjerësisht midis përdoruesve të medias sociale në Arabi.

Slogani i referohet një gruaje 26-vjeçare me emrin Qamar, e cila u zhduk në provincën qendrore të Arabisë Saudite të Al-Kharj më 19 Janar. Trupi i saj u gjet më vonë i varrosur në shkretëtirë.

Motra e viktimës Manal dyshon se vëllezërit e tyre konservatorë e kanë kryer këtë krim dhe deklaratën e saj e ka shprehur në internet.

Ajo pretendon se vëllezërit e vranë Qamarin pasi u zemëruan kur zbuluan se ajo kishte një llogari në Snapchat.

Pasi Manal shkroi për rastin në mediat sociale, ajo thuhet se u ndalua nga policia Al-Kharj, të cilët kërkuan që të ndalonte publikimin e vdekjes së motrës së saj.

Tani aktivistët për të drejtat e grave në mediat sociale kërkojnë që të hedhin dritë mbi vrasjet e nderit po përhapen gjithnjë e më shumë.

“Vrasja e nderit” i referohet vrasjes së një personi (një gruaje) për sfidimin e normave shoqërore të kulturës, komunitetit ose fesë së tyre.

Vrasja zakonisht kryhet nga të afërmit e vetë viktimës, të cilët mendojnë se personi ka sjellë turp ose përçmim në familje.

Kjo praktikë e tmerrshme është e zakonshme në Lindjen e Mesme dhe Azinë Jugore, por ka gjithashtu afërsisht edhe 12 deri në 15 vrasje nderi të kryera në Mbretërinë e Bashkuar çdo vit.

Në 2019 një adoleshente palestineze me emrin Israa Ghrayeb u rrah për vdekje nga të afërmit e saj pasi ajo postoi një foto të saj dhe të dashurit në internet.

Vitin e kaluar një vajzë 14-vjeçare jordaneze u vra me thikë nga vëllai i saj pasi ajo hapi një faqe në Facebook. /tvklan.al







Të ngjashme