Presidenti Ilir Meta ka reaguar në rrjetet sociale pas vendimit të Këshillit Bashkiak të Tiranës për të prishur godinën e Teatrit Kombëtar.
Kreu i shtetit ka postuar deklaratën e komisioneres europiane për Inovacionin Mariya Gabriel dhe bashkëngjitur fjalëve të saj thotë: Dëgjoni zërin e vërtetë të Europës.
“Dialogu me shoqërinë civile dhe ekspertët e trashëgimisë kulturore është i nevojshëm përpara se të merret një vendim i pakthyeshëm mbi Teatrin Kombëtar në Tiranë. Ne inkurajojmë që të gjitha institucionet të përfshihen në një dialog konstruktiv me palët e interesuara për trashëgiminë kulturore”, shkruan Gabriel.
Reagimin e eurokomisioneres e shpërndau edhe kreu i PD-së, Lulzim Basha. Ai bëri thirrje që të ndalet dhunimi i ligjit dhe Kushtetutës.
“Faleminderit Gabriel Mariya, Europa Nostra dhe Luigi Soreca për mesazhet e qarta për respektimin e ligjit dhe thirrjen për dialog me artistët dhe ekspertët e trashëgimisë kulturore. Të ndalet menjëherë dhunimi i Kushtetutës & ligjit dhe provokimi për prishjen e paligjshme të TK”, shkruan Basha.
Kujtojmë që Presidenti Ilir Meta ka dërguar në Gjykatë Kushtetuese vendimin e qeverisë për t’ia kaluar Bashkisë së Tiranës truallin e Teatrit Kombëtar.
Ndërkohë mbrëmjen e së enjtes Këshilli Bashkiak i kryeqytetit i dha dritën jeshile prishjes së godinës së Teatrit Kombëtar./tvklan.al
Faleminderit @GabrielMariya , @europanostra dhe @LSorecaEU për mesazhet e qarta për respektimin e ligjit dhe thirrjen për dialog me artistët dhe ekspertët e trashëgimisë kulturore. Të ndalet menjëherë dhunimi i Kushtetutës & ligjit dhe provokimi për prishjen e paligjshme të TK. https://t.co/DEXZps5rhP
— Lulzim Basha (@lulzimbasha_al) May 15, 2020
Dëgjoni zërin e vërtetë të Europës! https://t.co/4OkSVCoFb7
— Ilir Meta (@ilirmetazyrtar) May 15, 2020