Këtë herë vjen në studio për këngën e saj më të re me titull “Le të thyhen gotat (2021)” të publikuar në ditët e fundit të vitit që lamë pas, e ftojmë në studio për të folur më gjatë me të këngëtaren Rovena Stefa.
Në emisionin “Rudina” në Tv Klan, ka qenë e ftuar këngëtarja e njohur Rovena Stefa e cila është një personazh mjaft i dashur për publikun. Ajo është mjaft aktive si me postimet, fotot por edhe me produksionet muzikore që publikon. Këtë herë vjen në studio për këngën e saj më të re me titull “Le të thyhen gotat (2021)” të cilën e ka publikuar në ditët e fundit të vitit që lamë pas.
Përveç jetës së saj profesionale, Rovena ka folur edhe për jetën private ku ka pranuar se është në një lidhje, por për shkak të pandemisë nuk mundi dot të bënte një dasmë. Ajo shprehet se dëshiron një dasmë madhështore dhe sapo të mbarojë pandemia do e bëjë.
Rudina Magjistari: Mesa di unë vitin e kaluar ke thënë që dëshiroje që të të gjente me një partner, me një lidhje të zyrtarizuar.
Rovena Stefa: Viti na surprizoi, madje dhe dasmat u shtynë. Mua mu shtynë të gjitha dasmat për vitin 2021 ku unë duhet të këndoja.
Rudina Magjistari: Mos më thuaj që edhe ti tënden e ke shtyrë?
Rovena Stefa: E kam shtyrë që të jetë ai momenti ku unë mund të ftoj 2000 vetë, se sikur të ftoj në dasmë 100 veta nuk është dasmë e madhe. Dikush thotë që ç’e do gjithë atë zhurmë, unë dua të gëzohet i madh dhe i vogël tek dasma ime, kush më njeh le të vijë, domethënë është i ftuar. Kam pritur shumë vite që të martohem, kështu që…
Rudina Magjistari: Je pranë hapit të madh?
Rovena Stefa: Jo tamam, ashtu disi. Kam një lidhje kështu që pretendoj që të mbarojë kjo kohë dhe pastaj të bëj plane më serioze për martesën. /tvklan.al
