Këngëtari i njohur, Harry Styles ditën e Shën Valentinit është përballur me një situatë tejet të vështirë. Sipas “Daily Mail”, ai është grabitur me thikë teksa ishte duke ecur në një nga rrugët e Londrës.
Për fat të mirë, ish-këngëtari i grupit ‘One Direction’ nuk ka mbetur i lënduar, por i është përgjigjur menjëherë thirrjes së grabitësit për t’i dhënë gjithë të ardhurat që kishte me vete.
Harry ka mbetur i shokuar nga incidenti i ndodhur. Policia vazhdon ende kërkimet për kapjen e grabitësit dhe deri tani ende nuk ka ndonjë të dyshuar. /tvklan.al
