Është konfirmuar rasti i parë në Greqi me koronavirus.
Ministria e Shëndetësisë ka konfirmuar se një 38-vjeçare nga Selaniku ka rezultuar pozitive në testin e koronavirus.
Sipas drejtuesit të Ekipit të Sëmundjeve, Sotiris Tsiodras, 38-vjeçarja është në gjendje të mirë në Spitalin AHEPA dhe tashmë është duke marrë trajtim antiviral, ndërsa të afërmit e saj janë vendosur në izolim.
“Proto Thema” raporton se ajo kishte udhëtuar së fundmi në Italinë Veriore dhe ishte kthyer në vendlindje. /tvklan.al
