Rregullat e reja pritet të hyjnë në fuqi nisur nga muaji Maj
Në Mbretërinë e Bashkuar do të ndalohen reklamat e kirurgjisë estetike për personat nën moshën 18 vjeç.
Rregullat e reja nënkuptojnë se kompanitë nuk do të mund të reklamojnë ndërhyrje kozmetike në programet televizive apo media të tjera ku ka audiencë të madhe të kësaj moshe.
Ky është hapi i rradhës së këtij vendi pasi më herët Britania e Madhe ndaloi me ligj kryerjen e operacioneve të tilla për adoleshentët.
Ndryshimet pritet të hyjnë në fuqi nisur nga Maji dhe vendimi është marrë pas disa konsultimeve.
Komiteti për Praktikën e Reklamimit në Britaninë e Madhe thotë se reklama të tilla mund të kenë ndikim negativ në shëndetin mendor të të rinjve dhe shtojnë presionin për pamjen fizike të tyre.
Klan News