RUDINA – ENI COBANI RREFEN MARREDHENIEN ME NENEN E SAJ; SKY DIVING: DEBORAH KECI HIDHET NGA 4500 METRA LARTESI!

Emision: 08.10.2018

Të ftuar:

Eni Çobanin – Juriste

Jemi mësuar ta shohim shpesh në ekran teksa flet për drejtësinë. Por ndryshe nga herë të tjera Eni Çobani ishte sot në emisionin “Rudina” në Tv Klan për të folur për marrëdhënien me nënën e saj, Vnjesa.

Gjatë emisionit ajo tha se edhe pse profesioni i saj kërkon angazhim të madh, ajo gjithnjë gjen mundësinë për të qenë me nënën e saj për të cilën thotë se është kritikja e saj më e madhe.

“Mamaja ime ka qenë mësuese. Ka kaluar një jetë jo shumë të lehtë sepse familja e saj e origjinës ka patur probleme politike, por megjithatë ka treguar një korrektësi dhe një devotshmëri kudo që ka qenë me profilin e saj prej malësorje. Mami është mami, është dashuria. Marrëdhënia jonë nuk ka ndryshuar në asnjë moment, është njeriu më kritik për mua.

Prindërit e mi kanë qenë shtylla e familjes tonë dhe kemi ndarë bashkë emocione të mëdha. Ata kanë qenë të pandarë dhe mubulonin njëri-tjetrin në mënyrë të mrekullueshme dhe kanë qenë model për ne. Humbja fizike e babait ka bërë që roli i mamasë të dalë parësor dhe që edhe unë edhe vëllai ta kemi në qendër të vëmendjes. Unë kam një të metë, nuk jam shumë e pranishme, flas me të në çdo moment, por nuk kam shumë kohë të rri me të. Mamaja ime nuk pranon kompromise është natyrë e prerë, me Hysenin edhe bëje ndonjë kompromis të vogël dhe kjo ndonjëherë ka bërë që me mamanë edhe të debatojmë. Kurse Hyseni më kuptonte me sy”, tha Çobani.

Deborah Keçi – Sportiste

Albert Dumani – Drejtorin e Programacionit te Tv Klan

“Dashuri Bardh e Zi” është një nga serialet që prej kohësh ka “mbërthyer” pas ekranit publikun shqiptar dhe ka arritur nivele shumë të larta shikueshmërie.

Por këtij seriali sot i vjen fundi.

Drejtori i Programacionit të Tv Klan, Albert Dumani i ftuar sot në studion e “Rudina” zbuloi më tepër rreth episodit të fundit të serialit “Dashuri Bardh e Zi”.

“Seriali ka qenë shumë i suksesshëm për shkak të dramës që mbart. Sot ne do të shohim nëse do të ndodhë apo jo martesa mes Asllësë dhe Feratit. Në finale Namiku i kërkon gruas së tij që të arratisen sëbashku”, tha Dumani.

Kategori
Rudina
0 Komente

Përgjigju

*

*