Një 38-vjeçar shqiptar është arrestuar nga policia në Itali pasi goditi me thikë fqinjin e tij pas një debati mes tyre.
Ngjarja ka ndodhur në San Bonifacio pasditen e së enjtes, dhe sipas mediave italiane, konflikti ndodhi për motive banale, konkretisht për muzikën e lartë.
Për shkak të zhurmave të shkaktuara nga muzika e lartë, të dy u konfliktuan dhe gjatë sherrit 38-vjeçari shqiptar goditi me thikë në kraharor 30-vjeçarin maroken.
Ky i fundit pësoi dëmtime dhe u dërgua në spital, por fatmirësisht nuk është në rrezuk për jetën pasi thika nuk ka prekur organet vitale. 38-vjeçari shqiptar u arrestua dhe do të dalë në gjyq. /tvklan.al
