Tension në pikën kufitare të Hanit të Hotit


Tension në pikën kufitare të Hanit të Hotit

11:11 14/09/2021

Edhe Austria njofton kufizime për shqiptarët

Dhjetëra qytetarë nga Shqipëria nuk janë lejuar të futen në Mal të Zi, mëngjesin e së martës. Bëhet fjalë për persona që punojnë në shtetin fqinj. Ata janë bllokuar për shkak të problemeve me dokumentet dhe mungesës së certifikatës së vaksinimit. Pala malazeze nuk i ka lejuar ata të kalojnë. Kjo ka shkaktuar tension dhe përplasje me policinë.

Nga e marta kanë hyrë në fuqi masat e reja te vendosura nga shteti malazez. Hyrja në fuqi e masave të reja ka sjellë kufizime edhe për shqiptarët që duan të udhëtojnë drejt Europës. Austria është vendi i fundit që njofton se prej 15 shtatorit do të lejohet hyrja vetëm për personat plotësisht të vaksinuar, ose me një dëshmi mjekësore që e kanë kaluar Covid-19 dhe janë të shëruar.

Në rast të udhëtimit me test negativ do të kërkohet karantinë 10 ditore e cila mund të përfundojë edhe pas 5 ditësh me një testim negativ. Fëmijët e moshës mbi 12 vjeç e lart do të lejohen të udhëtojnë nga Shqipëria për në Austri pa pasur nevojë të karantinohen. Një ditë më parë njoftuan kufizime në udhëtime edhe Belgjika dhe Gjermania.

Tv Klan







Të ngjashme