Turizmi shqiptar në ditët e tij të “arta”


Turizmi shqiptar në ditët e tij të “arta”

15:50 22/08/2022

Shqiptarët preferuan Jugun, të huajt qendrën dhe Veriun

Shqiptarët preferojnë më shumë Jugun për pushime, ndërsa të huajt rajonin qendër ku bën pjesë Tirana dhe Durrësi, si dhe Veriun.

Të dhënat e publikuara nga INSTAT bëjnë me dije se vetëm, në Qershor të këtij viti numri i vizitorëve gjithsej është rritur me 25,5 % në krahasim me të njëjtën periudhë të një viti më parë.

Ndërsa numri i netë-qëndrimeve është rritur me 38 %.

Nga 72 mijë rezidentë që kanë zgjedhur të pushojnë gjatë Qershorit, afërsisht 50 % e tyre kanë zgjedhur Jugun, e ndjekur nga zona qëndrore dhe më pas ajo e Veriut.

Ndërsa nga 102 mijë vizitorë të huaj vetëm gjatë muajit Qershor, 45 mijë prej tyre kanë zgjedhur qendrën e Shqipërisë për pushime e ndjekur nga Veriu dhe më pas Jugu.

Pas dy vitesh pandemi, këtë vit në Shqipëri turizmi shqiptar pati nivelet më të larta të zhvillimit duke kaluar edhe vitin 2019 i cilësuar si viti më i mirë për Shqipërinë.

Tv Klan









Të ngjashme