Uniko – Kush është biznesmeni shqiptar që do të vritej nga taxhikistanasit?

Uniko – Kush është biznesmeni shqiptar që do të vritej nga taxhikistanasit?

22:27 04/05/2020

Komrom Zukhurov nga Taxhikistani u arrestua pasditen e 29 Prillit në bulevardin ‘Zogu i Parë’ në kryeqytet.

Ai u arrestua për llogari të autoriteteve gjermane pasi ishte i shpallur në kërkim ndërkombëtar nga Interpol Wiesbaden, Gjermani. Në ngarkim të tij, Gjykata Federale në Karlsruhe, Gjermani, më datë 21 Prill 2020 ka lëshuar urdhrin e arrestit ndërkombëtar, për veprën penale “Pjesëmarrje në një organizatë të huaj terroriste”, i dyshuar si anëtar dhe pjesëmarrës i kësaj organizate të huaj terroriste, e themeluar si celulë terroriste në Gjermani për të bërë xhihad në emër të shtetit islamik (ISIS).

Por sipas të dhënave të mediave ndërkombëtare që iu referohen autoriteteve gjermane, grupi kishte marrë porosi për ekzekutimin e një biznesmeni në Tiranë kundrejt shumës shpërblyese prej 40 mijë Dollarësh. Por kush është biznesmeni? Emisioni “Uniko” ka arrritur të mësojë se bëhet fjalë për një 52-vjeçar, një personazh i njohur në fushën e biznesit, por dhe kontrovers për shkak të problemeve të shumta dhe shkeljeve të shumta ligjore të konstatuara në biznesin e tij.

Me aktivitet dhe me lidhje ndërkombetare, një personazh qe ka njohje te shumta në drejtësi të cilët e ndihmuan t’ja hidhte paq disa vite më parë në disa çështje gjyqësore, 52-vjeçari është bërë objekt dhe i deklaratave të politikës. Sipas të dhënave, vrasja e tij pritej të kryhej vitin e kaluar por dështoi për arsye që për publikun mbeten ende të paqarta. Por përse u porosit vrasja e tij? Një pistë dyshohet të jenë mosmarreveshjet me klientët ndërkombëtarë.

Por kush e porositi vrasjen dhe përse kjo porosi iu dha një grupi ekstremist nga Taxhikistani dhe kjo mbetet e pa sqaruar. Emisioni Uniko disponon emrin e biznesmenit, por për arsye tërësisht profesionale, etike dhe në respekt të punës së institucioneve ligjzbatuese që e kanë klasifikuar si tepër sekret këtë informacion dhe që po vijohet bashkëpunimi me autoritetet ndërkombëtare për ta zbardhur plotesisht të gjithë celulën, për momentin kemi zgjedhur të mos e bëjmë publik. Por çfarë e lidh 24-vjeçarin me grupin terrorist të Gjermanisë si dhe me tentativën për vrasje të biznesmenit shqiptar, kemi të ftuar avokatin e tij mbrojtës, z.Asllan Dogjani. /klanplus

Të ngjashme

Grupi

Kallezo