Një 49-vjeçar është ekzekutuar me armë zjarri në Tropojë këtë të shtunë. Ngjarja ka ndodhur në fshatin Çerem rreth orës 15:30. Viktima është identifikuar si Isat Goçaj. 49-vjeçari humbi jetën si pasojë e plagëve të shkaktuara nga plumbat.
Autori i dyshuar i ngjarjes, Altin Ismajlisufi është arrestuar nga Policia e Tropojës. Pasi kreu krimin, ai u arratis nga vendni i ngjarjes, por efektivët reaguan në kohë duke bërë të mundur identifikimin e tij dhe më pas prangosjen.
Gjatë kontrollit në banesën e tij, policia i gjeti dhe sekuestroi një pistoletë, armën me të cilën vrau bashkëfshatarin. Ismajlisufi u dërgua në Komisariatin e Policisë Tropojë ku do të mbahet në paraburgim.
Viktima dhe autori i dyshuar janë banorë të të njëjtit fshat. Shkaqet dhe rrethanat e ngjarjes janë të paqarta.
Grupi hetimor, nën drejtimin e Prokurorisë së Tropojës, vijon punën për zbardhjen dhe dokumentimin e plotë të rrethanave të ngjarjes. /tvklan.al