Persona ende të paidentifikuar ekzekutuan me armë 51-vjeçarin Saimir Nezir Beqiri, në orët e para të mëngjesit në Elbasan.
Viktima, baba i tre fëmijëve u gjet i pajetë në oborrin e një lokali në dalje të qytetit.
Tv Klan mësoi se nga burime pranë grupit hetimor se ai u ndoq nga 2 autorë, të cilët e qëlluan nga një distancë e afërt. Viktima ka marrë 6 plumba në trup.
https://www.youtube.com//embed/U6wwq7sn4kM
Beriqi ka parë një makinë tip Benz që e ndiqte. Ka ndaluar për t’u larguar me vrap, por nuk ka mundur të shpëtojë.
Viktima është vëllai i Gentian Beqirit, 41 vjeçari që u vra në vitin 2012 brenda në banesën e tij, teksa ruhej nga policia në arrest shtëpie.
Ky I fundit ishte i dënuar si i implikuar në vrasjen e biznesmenit Sokol Çapja, në vitin 2005.
Për vrasjen e Gentian Beqirit u ndalua Florenc Capja. Por ai u lirua pasi paraqiti prova që kishte qenë në Maqedoni në momentin e vrasjes.
Ndaj familjes Capja me datën 3 shkurt të këtij viti u krye nje atentat me armë zjarri ku mbeten të vrarë 3 persona dhe të plagosur 9 të tjerë, mes të cilëve edhe Florenc Capja.
Pista kryesore e hetimit për vrasjen e Saimir Beqirit është ajo e hakmarrjes për shkak të konfliktit mbi 11 vjecar me familjen Çapja,.
Gjithsesi nuk janë lënë jashtë vëmëndjes dhe pista e larjes së hesapeve për trafik droge nisur dhe nga aktiviteti i mëparshëm i viktimës.
Deri tani policia ka shoqëruar 15 persona, por nuk ka ende asnjë të ndaluar.
Tv Klan
