Policia e Shtetit ka dhënë disa këshilla për drejtuesit e automjeteve që të bëjnë kujdes me qarkullimin në akset ku ka prezencë të reshjeve të dëborës dhe të ngricave.
Përmes 10 këshillave drejtuar qytetarëve, Policia e Shtetit apelon që të shmangen akset e rrezikshme dhe në rastet kur kalojnë në këto segmente rrugore të ecin me shpejtësi të ulët.
Jo pak herë, edhe zëdhënësi i përgjithshëm i Policisë së Shtetit Gentian Mullaj ka sensibilizuar shoferët që të drejtojnë me kujdes automjetet dhe të mos tejkalojnë shpejtësinë.
Këshillat e Policisë së Shtetit:
1) Jini të kujdesëshem. E keni bërë gati automjetin tuaj?
Besoj se jo, sepse renia dëborës shpeshherë të zë papritur dhe ndërimi i gomave nga verore në dimrore zakonisht në Shqipëri është proçesi rrallë. Si rënia e dëborës në 70% të akseve rrugore është gjë e rrallë.
Nëse keni pneumatikë universale ose dimërore atëhere jemi në rregull. Edhe kur rruga është me dëborë. Nëse penumatiket tuaj universalë kanë shënimin “M+S” me shenjën “e malit me tre pika”, atëhere përpara !
Por përseri kujdes, me Kodin Rrugor jeni në rregull, por me “kurthet e dëborës dhe të akullit” kujdes.
Nese keni goma verore me mirë evitoni udhëtimin në akset rrugore me dëborë.
2) Përpara udhetimit me mjet hiqni dëborën komplet nga mjeti juaj. Nuk mjafton pastrimi vetëm i xhamit. Një fshesë plastike dhe një paletë e vogel ju bën punë për pastrimin e dëborës dhe nga “tavani” i mjetit.
Dëbora që mund të lini mbi karrocerinë e mjetit në një moment në lëvizje mund të rreshqasë dhe të krijojë problem për ju në rast frenimi ose mund të shkëputet nga mjeti juaj në bllok dhe mund të dëmtoje kalimtarë, ose mjetet që qarkullojnë pas jush.
3) Evitoni manovrat e ashpra – “butësia” është çelsi i artë kur jeni me mjet dhe qarkulloni në akse rrugore me dëborë.
Fërkimi midis gomës dhe sipërfaqes së rrugës është i vogël dhe fenomeni i rrëshqitjes është pranishëm në çdo çast për të evituar që të mos ndodhë kjo timonin me kujdes dhe me levizje të buta, gjithashtu edhe këmba mbi gaz me kujdes pa e shtrënguar dhe sforcuar atë.
E njëjta gjë me frenimin, i cili duhet të jetë i butë për të evituar rrëshqitjen e mjetit.
Provoni të niseni me marshin e dytë duke manovruar me pedealin e freksionit dhe me atë të gazit në menyrë të “butë”. Pasi filloni qarkullimin mbani një shpejtësi konstante. Nëse rruga është e drejtë ecni me marsh të lartë.
4) Në ngjitje mos hiqni dorë kurrë, vendosni marshin e parë ose të dytë dhe vazhdoni me kujdes pa u tërhequr dhe pa ekzagjeruar me gazin, por edhe pa “humbur” shpejtësi.
Edhe nëse ndjeni se mund të rreshqisni mbani këmbën ngjitur mbi pedalin e gazit dhe lerjani pjesës elektronike të mjetit tuaj “ESP-së” të bëjë pjesën tjetër të punës.
5) Në disheza, përdorni frenimin/motor. Një nga gabimet që bëhen është se frenohet duke konsideruar sikur asfalti është “xham i pastër”.
Për të ngadalësuar është mirë një zbritje e përshkallëzuar e marsheve. Këmba mbi pedalin e frenave ndërkohë e butë.
Dhe gomat drejt në frenim dhe në uljen graduale të marsheve.
6) Qëndroni larg mjeteve të tjera si distancë udhëtimi. Hapsirat e frenimit në rrugë me dëbore, me akull ose rrugë të ngrirë rriten dukshëm për shkak të uljes së ndjeshme të koefiçienteve të fërkimit midis gomave dhe rrugës.
Zvogëloni shpejtësinë e qarkullimit edhe pse mund të keni rrugë të drejtë, por në kthesën e parë me siguri do të rriskoni të dilni jashtë rrugës ose pengesa e parë në rrugë do tju krijojë vështiresi.
7) Vështroni dhe mos ia ndani sytë mjeteve të tjera atyre që ju parakalojnë ose që janë pas jush.
Duket banalitet, por është thelbesore në udhëtimet në dëborë.
Në mënyrë që të kuptoni cilat janë pikat kritike të rrugës, kur do të vijë ngadalësimi i parë në menyrë që të keni kohë të merrni masat tuaja të mospërfshiheni në aksident dhe në përplasje.
8) Në rastet e rrugës së mbuluar me dëborë në shtresë të lartë më mirë mos ndiqni gjurmët që mjetet e tjera kanë lenë mbi siperfaqen e saj.
Gomat thellojnë kanalin e lënë në deborë nga mjetet e tjera dhe rritet dukshëm rrisku që mund të bllokoheni ose të rrëshqisni.
Nëse dëbora është mjaft e madhe, atehere është e nevojshme që të montohen zinxhirët e dëborës. Në një rast të tillë gjithmonë në hyrje të akseve rrugore do të gjeni një patrullë të Policisë Rrugore që do ta kërkojë një gj tillë.
9) Si montohen zinxhirët e dëborës:
Zakonsht zinxhirët vishen në fillim në rrotat aktive që në shumicën e mjeteve janë rrotat e përparme.
Për çdo model zinxhirësh ka një metodë të veçantë fiksimi ndaj është e nevojshme që kjo të dihet perpara se të gjendemi në zonat rrugore, ku dëbora dhe akulli e vështiresojnë situatën.
Në çdo rast duhen zgjidhur nyjet e tyre – pastaj shtrihen zinxhirët përtokë, kalohet nga pas rrotes dhe behet mbyllja me unazat dhe kapset përkatëse.
Pastaj “rrjeta e zinxhirit” shtrihet mirë mbi siperfaen e batistradës duke e terhequr anën e jashtme dhe në fund duke e fiksuar në menyrë të tillë që të mbetet e tendosur mirë.
Zinxhirët hiqen sapo të kalohet aksi më i vështirë dhe sipërfaqja e asfaltit është pothuaj e pastër, kjo për të evituar dëmtimin e gomave dhe të asfaltit.
10) Kujdes me akullin. Është më i rrezikshëm se dëbora, sepse shpesh është i padukshëm në momentin e parë për drejtuesit mjeteve.
Sapo ndjeni që jeni duke qarkulluar në një rrugë me akull, gjëja e parë që duhet ndërmarrë është ulja e shpejtësisë së mjetit.
Dhe kujdes mos prekni frenat mbi akull…
/tvklan.al
