Arkiva Lajme – Tv Klan 2000
Ish-Kryeministri i Partisë demokratike Aleksandër Meksi ka siguruar se ai nuk ka asnjë përgjegjësi për grabitjen e thesarit. Meksi deklaron se çdo gjë e ka dorëzuar në rregull. Madje dhe gjatë transportit të arit në ’93 nga Skrapari në Krrabë, ish-kryeministri konfirmon se gjithçka ka ardhur e paprekur.
Aleksandër Meksi, Ish-Kryeministër:- “Për këtë nuk ka pasur ndonjë problem sepse po të kishin probleme do na ishin referuar. Por vjedhja e thesarit të shtetit, pavarësisht nga vlera mbi të gjitha është një vlerë morale. Kjo është shenjë e shpërbërjes të një shteti, sepse e para askush nuk e di sa kohë ka, askush nuk ka kryer detyrat dhe nuk e dinë, e dyta që pasi rezulton që ka bërë i thonë atij që ju thothë që na i ke vjedhur ti, ndërkohë që duhej menjëherë të informohej opinioni publik se çka ka ndodhur. Problemi është i tillë që kapja ose mos kapja e kriminelëve dhe uroj që ky thesar ti kthehet shqiptarëve, por dëmi më i madh është dëmi i kredibilitetit të shtetit dhe i besimit të njerëzve i besimit e të bërit të Shqipërisë”./tvklan.al
Gazetare – Ornela Bego
