Asllë e “Dashuri Bardh e Zi” feston këtë të martë ditëlindjen e saj të 34-rt. Para festës që pritet të organizojë në Stamboll, ku ka shumicën e miqve dhe të afërmve, mbrëmjen e së hënës, ajo ka festuar me miqtë në qytezën bregdetare të Bodrumit.
Aktorja Birçe Akalay tha se në fakt kishte planifikuar që ditëlindjen ta festonte vetëm në Stamboll, duke qenë se në këtë periudhë ka shumë njerëz në Bodrum. “Por me një manovër të papritur, më erdhi nga brenda të qëndroj në Bodrum. Dhe sa mirë që qëndrova. Përjetova një prej ditëlindjeve më të bukura”, tha Akalay, duke nënvizuar se përveç nënës, babait, të dashurit dhe disa miqve të ngushtë në tryezën e ditëlindjes ndjeu edhe dashurinë e disa personave që i kishte njohur së fundmi.
“Është diçka shumë e bukur dhe shumë e rëndësishme të të duan kështu…Edhe unë ju dua shumë, shumë”, tha Akalay duke shtuar se gjithçka nuk mbaronte këtu.
“Patjetër që miqtë e mi në Stamboll do të përgatisin revanshin e kësaj feste të parakohshme në Bodrum. Edhe unë lind e rilind çdo herë me ju…”