Basha në BBC: Shqipërisë nuk i hapen negociatat – TV KLAN

Basha në BBC: Shqipërisë nuk i hapen negociatat

“Brukseli nxjerr raporte të sheqerosura, jashtë realitetit”

Kreu i opozitës Lulzim Basha në një intervistë dhënë për BBC World paralajmëron një tjetër shtyrje të hapjes së negociatave për Shqipërinë në 30 qershor.

“Për fat të keq, shtyrja, pak a shumë është vendosur. Vende anëtare kanë dalë në përfundimin se progresi i Shqipërisë drejt përmbushjes së kushteve për hapjen e negociatave të anëtarësimit është i pamjaftueshëm. Pyetja shtrohet: çfarë vjen pas kësaj? Problemi më i madh është sesi të kapërcehet kjo krizë e thellë, e cila tani po shpërthen me zemërim nëpër rrugë dhe sheshe.”

Basha shigjeton Brukselin për raporte që sipas tij janë larg realitetit të Shqipërisë dhe thotë se dera e unionit mund të hapet vetëm pasi vendi  të ketë zgjidhur problemin e zgjedhjeve të vjedhura dhe të jenë shkëputur lidhjet e qeverisë me krimin.

“Protestat janë pasojë e krizës së thellë politike në vend. Kështu që, pavarësisht, raporteve të sheqerosura…”

BBC World: Çfarë do të thotë të sheqerosura?

Lulzim Basha: Shumë larg realitetit.

BBC World: Për çfarë arsye?

Shqipëria duhet t’i bashkohet Bashkimit Europian, Shqipëria duhet të hapë negociatat e anëtarësimit. Kjo është ajo për të cilën ne po luftojmë, për vlerat europiane, por Shqipëria nuk mund t’i bashkohet BE-së me gënjeshtra, me fabrikime, me zgjedhje të vjedhura, me bashkëpunim me krimin e organizuar, me korrupsionin në nivelet më të larta të këtyre 29 viteve, me pandëshkueshmërinë e njerëzve me pushtet.

Basha dënon dhunën në protestat e opozitës, por thotë se ajo është shprehje e zemërimit në rritje si pasojë e krizës që ka shpërthyer gjatë katër muajve të fundit .

“Absolutisht. PD ka bërë gjithmonë thirrje për protesta jo të dhunshme. Është distancuar dhe do të distancohet gjithmonë nga dhuna. Megjithatë, duhet kuptuar se dhuna e izoluar që, falë Zotit, nuk shkaktoi viktima – asnjë person i vetëm nuk u plagos, asnjë polic nuk u lëndua –  është shprehje e zemërimit në rritje. Këto protesta janë pasojë e një krize që ka shpërthyer me të gjithë fuqinë gjatë 4 muajve të fundit: krizë kushtetuese, krizë politike dhe pasojat e saj ekonomike e sociale. Por numri 3 i PD-së u dhunua brutalisht dhe dhunshëm nga policia.”

Në intervistën e dhënë për gazetarin Julian Worricker të BBC World kreu i opozitës u ndal tek akuzat për blerje të zgjedhjeve në vitin 2017 dhe përfshirjen sipas tij të zyrtarëve të lartë të qeverisë, përfshi edhe kryeministrin në atë që e cilëson krim elektoral.

Tv Klan

Kategori
Lajmet KryesorePolitikaTë gjithaVideo
2 Komente
  • ANDONI KOKA
    20 Maj 2019 at 23:15
    Përgjigju

    KY PERSON KA NEVOJE PER TRAJTIM PSIKOLOGJIK ,MBASE DIKUSH DUHET TI TREGOJE QE KA PRINDER
    SHQIPTARE! DIKUSH NGA FAMILJA E TIJ DUHET TI THOTE QE TRADHETIA NUK JUSTIFIKOHET ,ÇFARE DO QE TE JENE KUSHTET ,SI SALIU PERPIQET ME TE GJITHA FORMAT TE JUSTIFIKOJE TRADHETITE E TIJA POR ASNJEHERE NUK JA KA ARRIFUR !

  • Mali
    20 Maj 2019 at 23:51
    Përgjigju

    Njeriu që gëzohet kur dëgjon se ka arritur ti bëj një të keqe vendit që e ushqen dhe e ka ber milioner.
    Kjo nuk shpjegohet dot!

  • Përgjigju

    *

    *





    Emisione