Në deklaratën e Ambasadës së Shteteve të Bashkuara të Amerikës, të një dite më parë, ku flitej për dështimin e takimit Rama – Basha thuhej se;
“Qeveria shfaqi fleksibilitet, në fund, ndërsa opozita nuk bëri të njëjtën gjë”.
Arsyen e kësaj fraze e kanë zbuluar për “
Zërin e Amerikës”
burime ndërkombëtare.
Sipas tyre, Shtetet e Bashkuara dhe Bashkimi Europian i paraqitën qeverisë dhe opozitës, javën e shkuar, një plan kompromisi për Reformën në Drejtësi.
Plani, i cili i paraprinte takimit mes dy udhëheqësve politikë shqiptarë, iu kërkonte të dy palëve të përshtasnin pozicionet e tyre.
Burimet saktësuan se,
“Qeveria e pranoi planin e kompromisit 100% ndërsa opozita pranoi shumë nga aspektet e propozimit, por këmbënguli për metodën e vendeve të rezervuara për përzgjedhjen e këshillave të ndryshme”.
Sipas të njëjtave burime, pikërisht kjo këmbëngulje nga ana e PD, është motivi pse Ambasada e SHBA-ve u shpreh se opozita nuk dëshmoi fleksibilitet.
Tv Klan
