Pentagoni është në dijeni për lëvizjen e trupave ruse pranë kufirit ukrainas
Sekretari i Shtetit i SHB, Antony Blinken, në një telefonatë me Ministrin e Jashtëm ukrainas Dmytro Kuleba, pohoi mbështetjen e Uashingtonit për integritetin territorial të Ukrainës përballë agresionit të vazhdueshëm të Rusisë.
Ukraina dhe Rusia kanë qenë në mosmarrëveshje që nga aneksimi i Krimesë nga Rusia në 2014 dhe lidhur me mbështetjen e saj për rebelët separatistë që luftojnë në rajonin lindor të Ukrainës Donbass, ku mendohet se janë vrarë 14,000 njerëz.
Blinken shprehu shqetësim në lidhje me situatën e sigurisë në Ukrainën lindore dhe ofroi ngushëllime për humbjen e fundit të katër ushtarëve ukrainas.
Forcat e armatosura të Ukrainës javën e kaluar deklaruan se katër ushtarë u vranë nga forcat ruse në Donbass, numri më i lartë ditor i vdekjeve që nga arritja e një marrëveshje për armëpushimin korrikun e kaluar.
Komandanti i Përgjithshëm i Ukrainës është shprehur se Rusia po ndërton forca të armatosura pranë kufijve të Ukrainës si një kërcënim për sigurinë e vendit. Kremlini është i shqetësuar nga rritja e tensioneve në Ukrainën lindore dhe se ekziston frika se forcat qeveritare mund të bënin diçka për të rifilluar një konflikt me separatistët pro-rusë.
Klan News
