Një episod humoristik është shënuar gjatë seancës së të enjtes në parlament. Shkak është bërë një nga deklaratat e kryedemokratit Lulzim Basha.
Kryedemokrati lexoi një prej raporteve për tenderat e zhvilluar për programin e rindërtimit. Basha tha fillimisht se burimi ishte Partia Demokratike dhe kjo bëri që deputetët e mazhorancës të qeshnin. Por pastaj kryetari i PD tha se ishte batutë pasi burimi i informacionit është Agjencia e Prokurorimit Publik
“Merri këtu dhe thoja tigrit të t’i japë. Nuk ke ça të sqarosh o tigër po rri rehat. Ishalla i ke djeg të gjitha ato që ke gjetur te zyra e paraardhësit. Në fund të të dhënave për ndërtimin e shkollave, burimi: Partia Demokratike.
(Salla fillon të qeshë)
Burimi: Agjencia e prokurimit publik. Afroje pak. Shiko si u zgërdhinë, e hëngrën. Kujtuan që ishte PD me të vërtetë. APP. Hë do qeshni tani? Shifrat tuaja që ti nuk i lexon se merresh me shifra të tjera. Borxhin ia ke shqiptarëve. Provat i ke në familjet e çdo shqiptari të goditur nga pandemia”, tha Basha./tvklan.al
