Një 53-vjeçar është arrestuar nga Policia e Korçës për prodhim dhe shitje të lëndëve narkotike. I arrestuari me iniciale A.H. është person me precedent të mëparshëm penal në fushën e krimeve kundër personit.
Uniformat blu kishin marrë informacion në rrugë operative se 53-vjeçari posedonte lëndë narkotike dhe armë. Nga kontrolli në banesën e tij iu gjetën disa doza kokaine gati për shitje dhe sende të tjera që shërbenin për përgatitjen e drogës.
Po kështu, iu sekuestrua 1 pistoletë sportive dhe dy armë të ftohta. 53-vjeçari akuzohet për prodhim dhe shitje të narkotikëve, mbajtje pa leje të armëve sportive dhe armëve të ftohta. /tvklan.al
