Fredi Alizoti merret në pyetje

Avokati apelon arrestin në burg

Pak pas mesditës së sotme ka nisur marrja në pyetje të njërit prej dëshmitarëve kyç të dosjes “Babale”, Fredi Alizoti. Ky i fundit është i vetmi person në pranga në lidhje me dosjen që ka sjellë jo pak pështjellime dhe akuza të ndërsjellta në politikë.

Ndërkohë Avokati i Alizotit ka apeluar këtë të enjte masën arrest me burg, dhënë nga Gjykata për Krimet e Rënda për klientin e tij.

Për Prokurorinë, Alizoti është personi, zëri i të cilit është në audio-përgjimin e publikuar nga Partia Demokratike, e cila pretendonte se ishte i Agron Xhafës, vëllait të Ministrit të Brendshëm.

Sipas organit të akuzës Alizoti është shtirur si vëllai i Fatmir Xhafajt dhe kjo është e vërtetuar nga përgjimet telefonike mes tij dhe Alfred Veliut, i njohur ndryshe si “Babalja”.

Në përgjime Alizoti pranon se ka bërë rolin e vëllait të Ministrit pasi sëbashku me Babalen i ishin premtuar 200 mijë euro. Aktrimi është pranuar nga Alizoti, gjë që konfirmohet edhe mbrojtësi i tij./tvklan.al

Kategori
KronikeLajmet KryesoreTë gjitha
0 Komente

Përgjigju

*

*


Emisione