Konfirmohet samiti i dy Koreve këtë muaj

Konfirmohet samiti i dy Koreve këtë muaj

09:00 06/09/2018

Udhëheqësit e dy Koreve do të mbajnë këtë muaj një samit në Phenian. Konfirmimi nga Seuli vjen pasi lideri verikorean, Kim Jong Un, ka përsëritur se do të angazhohet për denuklearizimin e gadishullit.

Samiti, i treti me radhë midis Kimit dhe presidentit jugkorean, Moon Jae-in, do të zhvillohet nga data 18 deri më 20 Shtator.

Kim është zotuar për denuklearizim pas takimit historik me presidentin e Shteteve të Bashkuara, Donald Trump, në muajin Qershor.

Por, marrëveshja e tyre është kritikuar për mungesë detajesh dhe shumë vëzhgues kanë thënë se Koreja e Veriut nuk po bën mjaftueshëm për të çmontuar lokacionet bërthamore dhe raketore.

Që nga viti 2016, Koreja e Veriut ka kryer tre teste bërthamore dhe ka hedhur 40 raketa balistike./REL

Të ngjashme
UKT