Kryeprokurori Çela vlerëson hetimet për tërmetin në Durrës

Kryeprokurori Çela vlerëson hetimet për tërmetin në Durrës

11:56 16/12/2019

Prokuroria u kritikua nga PD për mosarrestimin e Dakos

Prokurori i Përgjithshëm, Olsian Çela shfrytëzoi një takim me prokurorët e Krimeve të Rënda për të vlerësuar punën e Prokurorisë së Durrësit në lidhje me hetimet për pasojat e tërmetit të 26 Nëntorit.

“Rezultatet e hetimit në çështjet që lidhen me pasojat e tërmetit të 26 Nëntorit nga Prokuroria pranë Gjykatës së Rrethit Gjyqësor Durrës janë provë e funksionimit të pavarësisë reale të prokurorëve. Vlerësoj punën e tyre në këtë drejtim”.

Dy ditë më parë, Partia Demokratike shprehu kritika për punën e prokurorisë, nëpërmjet dy deklaratave të bëra nga Nënkryetari Edi Paloka dhe dega e Durrësit.

“Në Durrës e di dhe qytetari më i fundit se Vangjush Dako është kryepërgjegjës për këtë situatë, jo vetëm se ka mbi dhjetë vjet që drejton si kryetar Bashkie, por edhe sepse privatisht ka qenë i implikuar direkt, me firmën e tij “3D” , në ndërtimin e shumicës së pallateve të dëmtuara. Po pse atëherë emri i Gjushit nuk del në listën e polico-prokurorisë së Durrësit?!

Shumë e thjeshtë dhe e qartë për këdo; Gjushi ka mbrojtjen direkte të Ramës”.

Prokuroria ka lëshuar 17 urdhër arreste për zyrtarë, ish-zyrtarë, ndërtues, inxhinierë, zbatues, projektues e kolaudatorë. 9 persona janë vënë në pranga, 8 të tjerë janë shpallur në kërkim, ndërsa hetimet vijojnë dhe pritet të ketë edhe arrestime të tjera.

Tv Klan


Grupi
LAJMET
Të ngjashme
Grupi