“Nisma” firmos koalicion me AKR-në e Pacollit

Një ditë pas shpërndarjes së parlamentit të Kosovës është zyrtarizuar edhe koalicioni parazgjedhor AKR-Nisma, që ndryshe po e quajnë “Qendra e Artë”.

Behgjet Pacolli- kryetar i AKR-së:  AKR-ja dhe Nisma do të kenë një koalicion parazgjedhor, do të garojnë me një listë të përbashkët. Lista do të ketë kandidatin e saj për kryeministër.

Fatmir Limaj- kryetar i Nismës Social Demokrate: Kam nderin që unë do të jem kandidat për kryeministër për këto zgjedhje që do të vijnë. AKR dhe Nisma janë të hapura edhe për grupet tjera që janë të interesuara ti bashkohen këtij boshti politik.

Ende nuk ka asgjë konkrete rreth një koalicioni të mundshëm parazgjedhor LDK-LVV. Partia Demokratike qëndron e mbyllur në këtë aspekt duke mos bërë të ditur për koalicione të mundshme parazgjedhore. Ndërkohë në Komisionin Qendror Zgjedhor,janë duke pritur që presidenti të shpall datën e zgjedhjeve të jashtëzakonshme në mënyrë që të hartojnë kërkesën buxhetore.

Valdete Daka- kryetare e KQZ-së: KQZ-ja në momentin kur ta kemi datën nga Presidenti i Republikës do të përpilojë një kërkesë buxhetore dhe do t’i drejtohemi Qeverisë. Ende nuk kemi ndonjë shifër të saktë sepse jemi në përfundim të llogaritjeve dhe vetëm në momentin kur do ta kemi datën, do ta dimë përafërsisht edhe shifrën e saktë të kostos së zgjedhjeve.

Kosova shkon në zgjedhjet të parakohshme parlamentare pas dorëheqjes së Ramush Haradinajt nga posti i kryeministrit.

Tv Klan