Transportues të blinduar janë nisur sot paradite drejt veriut për të përforcuar forcat lokale të Rendit Publik. Shkodra dhe Lezha, këto mësohet se janë destinacionet e këtyre mjeteve luftarake. Misioni i vërtetë i transportuesve të hekurt është patrullimi i rrugëve nacionale të zonës veriperëndimore si dhe në hyrje të qyteteve që ndodhen në të.
Sot ka qënë e vështirë që mjetet luftarake të dilnin në orar jashtë Tiranës për shkak të trafikut të rënduar, ndaj dy autopatrulla të “Shqiponjës” si dhe një furgon policie i kanë shoqëruar ato deri në afërsi të kthesës së Kamzës.
Urdhëri për daljen e blindave është dhënë pasi strukturat e rendit në qytetet veriore kanë informuar se kishin nevojë për mbështetje, por nga ana tjetër ka patur zëra se këto zona mund të jenë problematike gjatë procesit të votimit./tvklan.al
Gazetar : Roland Zili
