Rama: Të parët në rajon për absorbimin e fondeve
I shoqëruar nga Ambasadori i BE, Luigi Soreca, Kryeministri Edi Rama ka inspektuar nga afër zhvillimin e bujqësisë dhe blegtorisë në Lushnje.
“Jemi të parët në rajon për kapacitet absorbues të fondeve. Dhe është një volum investimi direkt për infrastrukturën në bujqësi që s’ka ndodh kurrë më përpara. Kjo është tamam kooperativë, por me interesin individual të secilit, sipas asaj që prodhon. Është e vetmja zgjidhje, nuk bëhet më të prodhojë secili dhe pastaj dil në protestë ku t’i shesim. Ja ky është sistemit, është i vetmi sistem”.
Ndërsa Ambasadori Soreca i cilësoi me rëndësi rezultatet e arritura me kontributet e BE.
“Është shumë e rëndësishme për mua kur shoh rezultatin konkret të kontributit që kemi dhënë ne si BE. Ne kemi bërë një fushatë me IPARD muajin e fundit dhe fushatën e kanë ndjekur mijëra e mijëra vetë që kanë kërkuar të bëhen pjesë e këtij investimi dhe të përfitojnë prej tij”.
Investimet në këtë fermë janë kryer nga financimet e BE-së, ku po modernizohen proceset për një produkt më të sigurtë në treg.
Tv Klan
