Muaji Shkurt shënon një tjetër rekord përsa i përket hyrjeve në vend të udhëtarëve.
Kryeministri Edi Rama ka publikuar të dhënat më të fundit, që tregojnë se nga aeroporti i Rinasit kanë hyrë në Shqipëri 577,515 udhëtarë, një shifër kjo 69% më e lartë se e njëjta periudhë e një viti më parë.
Edhe Janari theu rekord në krahasim me vitin e kaluar, duke regjistruar kështu në total mbi 1.2 milionë udhëtarë në Shqipëri në vetëm dy muajt e parë të 2024.
“Në Shkurt 2024, mirëpritëm 577,515 udhëtarë, një rritje me 69% nga viti i kaluar. Nga janari deri në shkurt 2024, shifrat u rritën në 1,202,785, duke shënuar një kapërcim me 59%! Bukuria e Shqipërisë po thërret, ejani dhe shikoni pse të gjithë po udhëtojnë drejt nesh”, shkruan Rama.
Kryeministri Rama u bën thirrje të gjithë atyre që janë në Gjermani, të ndjekin në Berlin panairin e turizmit në Europë, ku Shqipëria ka stendën e saj.
Vitin e kaluar, Shqipëria regjistroi një shifër prej 10 milionë turistësh duke thyer rekord. Këtë vit, vendi ynë synon ta tejkalojë këtë numër.
Tirana International Airport is on an incredible flight path! 🛫 In February 2024, we welcomed 577,515 travelers, a 69% increase from last year. From Jan-Feb 2024, the numbers soared to 1,202,785, marking a 59% jump! Albania's beauty is calling – come and see for yourself why… pic.twitter.com/t7s6cowkEC
— Edi Rama (@ediramaal) March 4, 2024
/tvklan.al
