Përbërësit:
200 gr fileto gici
40 gr parmixhano i grirë
30 gr majdanoz
20 gr borzilok
20 gr piper jeshil
3 thelpinj hudhër
2 dardha
1 gotë verë e bardhë
1 qepë
1 degë rozmarinë
1 domate
1 karrotë
Kripë
Piper
Përgatitja:
Fillimisht në një tenxhere me ujë hedhim qepë, karrotë dhe hudhër për të përgatitur bulionin për rizoton. Marinojmë fileton e gicit me kripë, piper, rozmarinë dhe vaj ulliri dhe e mbështjellim me letër pelikul që të qëndrojë pak. Në një tenxhere me pak vaj ulliri skuqim dardhën me dy thelpinj hudhër dhe shtojmë piper jeshil dhe orizin dhe i skuqim të gjitha bashkë. Pasi skuqen i shuajmë me verë dhe më pas shtojmë ujë dhe sërish piper jeshil. Grijmë imët borzilokun e majdanozin dhe e shtojmë në tenxhere. Pak përpara se të jetë gati rizoto shtojmë edhe pak domate dhe djath të grirë. Fileton e marinuar e pjekim në një tigan me pak vaj ulliri dhe hudhër. Pasi e kemi skuqur në tigan dhe ka marrë ngjyrë e fusim në furrë. Vendosim në pjatë rizoton, dy feta dardhë dhe mbi të fileton e gicit.
/tvklan.al
