Daçiç: Përkeqëson marrëdhëniet, por ne duam dialog
Ligji për liritë fetare në Mal të Zi është futur në fuqi. Serbët kanë frikë se këto ndryshime dëbojnë kishën. Krerët e saj kanë bërë thirrje për lutje në mbështetje të serbëve në Mal të Zi, por edhe në Kosovë.
Ata u mblodhën në qendër të kryeqytetit serb për të bërë një marshim drejt tempullit të Shën Savës për të shprehur kundërshtimin ndaj politikës së Podgoricës. Rrugës bënë thirrje që nuk i japin tempujt e shenjtë.
Në ecjen për kishat morën pjesë edhe disa zyrtarë shtetërorë, por nuk reaguan. Në emër të shtetit më herët ka folur shefi I diplomacisë, Ivica Dacic, i cili tha se serbët e malazezët janë vëllezër, por vëllezërit nuk sillen kështu. Serbia e konsideron gabim politikën e Malit të Zi.
“Zbatimi i këtij ligji dhe marrja e kishave dhe manastireve që qytetarët i kanë ndërtuar kush e di se kur, hap mundësi që të përkeqësohen marrëdhëniet pasi ligji e mundëson këtë. Është e nevojshme të ketë dialog, por duhet të ketë dëshirë dhe shpresoj se ajo ekziston edhe në Podgoricë”.
Besimtarët dhe protestuesit arritën tek tempulli kryesor ortodoks. Kësaj radhe nuk pati incidente. Lutja iu dedikua serbëve jashtë, që siç u tha, po luftojnë për të drejtat e tyre. Kisha kishte bërë thirrje për lutje në gjithë territorin duke ftuar që me qetësi dhe kryq të mbrohen në heshtje.
“Shpresojmë që në Mal të Zi do të ndodh një mrekulli dhe të mbrohemi siç mbrohemi në Republike Serbe (Bosnje), siç mbrohemi këtu në Beograd dhe Serbi dhe siç duam të mbrohemi më shumë edhe në Kosovë dhe në të gjitha vendet ku jeton populli serb”.
Ky ligj krijoj tension në mes të dyja vendeve e deri tek notat diplomatike dhe anulimi i vizitës së presidentit serb. Mali i Zi ka kërkuar nga bashkësitë fetare që të dëshmojnë pronën para vitit 1918, ndërsa disa atje kanë krijuar një kishë të tyre n që ende është e panjohur dhe e vogël. Ky ka qenë incidenti më i madh në mes të dyjave vendeve që pas shpalljes së pavarësisë së Malit të Zi.
Tv Klan
