Lajme Arkiva 2004
Teatri i Bylisit i qytetit të Fierit është vendi ku po organizohet Festivali i Tretë mbarëkombëtar i Aktrimit. Në këtë festival marri pjesë 8 trupa teatrosh nga vendi si dhe Teatri Kombëtar i Prishtinës dhe Teatri i Dramës shqipe në Shkup.
Në ceremoninë hapjes së këtij aktiviteti merrnin pjesë personalitete të artit dhe kulturës, drejtuesit e pushtetit vendor si dhe Ministri i Kulturës Rinisë dhe Sporteve Bledi Klosi. Presidenti i këtij aktiviteti është kryebashkiaku i Fierit Baftjar Zeqo.
“Shfaqjet në përgjithësi janë të selektuara nga artistja shquar Yllka Mujo, pra për herë të parë në këtë edicion ne vumë selektorë festivali, praktikë përgjithësisht e njohur kjo, dhe në këtë kuptim, marrin pjesë 8 trupa, domethënë 8 shfaqje të cilat do të konkurrojnë, mendoj që është bërë një selektim i mirë, ne i besojmë natyrshëm shijes dhe vlerave të artistes Yllka Mujo”.
Gara ka nisur me dramën “Pazari” të teatrit të Fierit dhe do të mbyllet me datën 30 me kapitullin e dytë të Teatrit Kombëtar. Juria përbëhet nga aktorët e njohur Birçe Haskaj, Mihallaq Luarasi dhe Petrit Malaj.
Agim Qirjako: Është një festival që ka interes. Ka interes dhe nxit shumë profesionalizmin e shfaqjeve sidomos protagonistët që janë aktorët./tvklan.al
