Presidenti i Kosovës, Hashim Thaçi i ka shprehur ngushëllimet Kryeministrit Edi Rama, për ndarjen nga jeta të nënës së tij, Aneta Rama.
“I dashur Edi, në këtë ditë të pikëllimit, por edhe të krenarisë, bashkëndjej me ju dhimbjen e thellë për ndarjen nga jeta të nënës Aneta. Ngushëllimet më të sinqerta në emër timin dhe të familjes”, shkruan Thaçi në një postim në rrjetet sociale.
Mëngjesin e kësaj të shtune, kreu i qeverisë shqiptare me anë të një postimi në rrjetet sociale, njoftoi ndarjen nga jeta në moshën 82-vjeçare të nënës së tij./tvklan.al
